Transfertat

Çfarë lloj transfertash mund të kryeni me Jet Bank?

Me Jet Bank, ju mund të kryeni llojet e mëposhtme të transfertave:

• Transferta ndërmjet llogarive tuaja në Jet Bank;  
• Transferta te klientë të tjerë të Jet Bank;
• Transferta kombëtare brenda Shqipërisë, drejt bankave në Republikën e Shqipërisë;
• Transferta SEPA, në Euro, drejt vendeve brenda zonës SEPA;
• Transferta SWIFT, për transferta ndërkombëtare në Euro.

Të gjitha transfertat kryhen përmes kanaleve digjitale të Bankës dhe janë subjekt i kontrolleve të sigurisë, saktësisë së të dhënave dhe kërkesave ligjore e rregullatore.

Çfarë janë transfertat kombëtare?

Transfertat kombëtare janë transferta të kryera ndërmjet llogarive bankare brenda Republikës e Shqipërisë.

Në cilat monedha mund të kryhen transfertat kombëtare?

Transfertat kombëtare mbështeten në:

• Lekë Shqiptarë (ALL)
• Euro (EUR)

Sa kohë zgjat një transfertë kombëtare?

Transfertat kombëtare përpunohen përmes sistemeve ndërbankare dhe mund të zgjasin deri në 1–2 ditë pune, në varësi të kohës së paraqitjes së transfertës, monedhës, shumës dhe sistemit të pagesave të përdorur.

Çfarë të dhënash të përfituesit kërkohen?

Zakonisht kërkohen të dhënat e mëposhtme:

• Emri i plotë i përfituesit;
• Adresa e përfituesit;
• IBAN-i i përfituesit;
• Shuma dhe data e transfertës;
• Përshkrimi i pagesës, aty ku aplikohet.

Të dhënat duhet të jenë të sakta. Gabimet mund të çojnë në vonesa, refuzim ose kthim të transfertës.

Si përpunohen transfertat në ALL?

Transfertat në ALL përpunohen bazuar në shumën e transfertës:

• Nëpërmjet sistemit AECH për shuma deri në 10,000,000 ALL;
• Nëpërmjet sistemit AIPS për shuma mbi 10,000,000 ALL.  

Deri në çfarë ore duhet të paraqitet transferta?

Për pagesat në ALL deri në 10,000,000 ALL, përpunimi bëhet në disa sesione gjatë ditës:

• Pagesat e paraqitura deri në orën 10:00 përpunohen në sesionin e parë;
• Pagesat e paraqitura deri në orën 12:40 përpunohen në sesionin e dytë;
• Pagesat e paraqitura deri në orën 14:40 përpunohen në sesionin e tretë.

Pagesat e paraqitura pas orarit të fundit të përpunimit transferohen për ditën pasardhëse të punës.

Për pagesat me vlerë më të lartë:

• Pagesat në ALL mbi 10,000,000 ALL duhet të paraqiten deri në orën 15:00 që të përpunohen brenda së njëjtës ditë pune;
• Pagesat kombëtare në EUR duhet të paraqiten deri në orën 15:15 që të përpunohen brenda së njëjtës ditë pune.

Pagesat e paraqitura pas këtyre orareve përpunohen në ditën pasardhëse të punës.

Çfarë janë transfertat SEPA?

Transfertat SEPA janë transferta në Euro (EUR) drejt llogarive bankare në vendet që janë pjesë e zonës SEPA.  

Çfarë lloje transfertash SEPA ofron Jet Bank?

Jet Bank ofron:

• SEPA Instant (e menjëhershme): Për transferta deri në 50,000 EUR, kur banka e përfituesit e mbështet këtë shërbim. Zakonisht ekzekutohet brenda 10 sekondave, 24/7.
• SEPA Standard: Për transferta mbi 50,000 EUR, ose kur transferta nuk mund të përpunohet si SEPA Instant.

Deri në çfarë ore duhet të paraqitet një transfertë SEPA Standard?

Transfertat SEPA Standard të paraqitura deri në orën 13:00 mund të përpunohen brenda së njëjtës ditë pune. Transfertat e paraqitura pas këtij orari përpunohen në ditën pasardhëse të punës.

Çfarë të dhënash kërkohen për një transfertë SEPA?

Zakonisht kërkohen të dhënat e mëposhtme:

• Emri i përfituesit;
• Adresa e përfituesit;
• Qyteti/kodi postar;
• Shteti i rezidencës;
• IBAN;
• SWIFT/BIC;
• Emri i bankës, aty ku kërkohet.

A funksionon gjithmonë SEPA Instant?

SEPA Instant funksionon vetëm nëse plotësohen kushtet teknike dhe operacionale, duke përfshirë që shuma të jetë brenda limitit, banka e përfituesit ta mbështesë shërbimin, të dhënat të jenë të sakta dhe transferta të kalojë kontrollet e Bankës. Nëse këto kushte nuk plotësohen, transferta mund të refuzohet ose të përpunohet në një formë tjetër (si SEPA Standard).

Çfarë janë transfertat SWIFT?

Transfertat SWIFT janë transferta ndërkombëtare drejt llogarive bankare në shtete të ndryshme anembanë botës. Ato përdoren për pagesa jashtë skemave kombëtare ose SEPA, si dhe për pagesa në monedha të tjera si USD.

Në cilat monedha mund të kryhen transfertat SWIFT?

Transfertat SWIFT mund të kryhen në:

• Euro (EUR)

Si përpunohen transfertat SWIFT?

Të gjitha transfertat dalëse SWIFT trajtohen si urgjente, pavarësisht nga shuma.

Transfertat SWIFT në EUR të paraqitura përpara orës 16:00 përpunohen brenda së njëjtës ditë pune. Transfertat e paraqitura pas këtij afati përpunohen në ditën pasardhëse të punës.

Sa kohë zgjat një transfertë SWIFT?

Koha përfundimtare varet nga shteti i destinacionit, monedha, banka e përfituesit dhe bankat ndërmjetëse. Edhe pse Jet Bank e përpunon transfertën si urgjente, kreditimi përfundimtar varet edhe nga palët e tjera në zinxhirin e pagesës.

Çfarë të dhënash kërkohen për një transfertë SWIFT?

Zakonisht kërkohen të dhënat e mëposhtme:

• Emri i përfituesit;
• Adresa e përfituesit;
• Qyteti/kodi postar;
• Shteti i rezidencës;
• IBAN ose numri i llogarisë;
• SWIFT/BIC;
• Emri i bankës, aty ku kërkohet;
• Përshkrimi/qëllimi i pagesës.

A mund të aplikohet këmbimi valutor?

Po. Nëse transferta përfshin monedha të ndryshme (për shembull ALL ↔ EUR, ose kombinime të tjera të mbështetura), aplikohet kursi i këmbimit i Bankës në momentin e përpunimit.

Në rast të një transferte të kthyer, shuma e kthyer mund të ndryshojë nga shuma fillestare për shkak të lëvizjeve të kursit të këmbimit ose komisioneve të aplikuara nga bankat e tjera, nëse ka të tilla.

A kontrollohen transfertat?

Po. Të gjitha transfertat hyrëse dhe dalëse mund t'u nënshtrohen kontrolleve që lidhen me:

• Saktësinë e të dhënave;
• Gjendjen e disponueshme në llogari;
• Kërkesat e AML/KYC (Parandalimi i Pastrimit të Parave / Njih Klientin Tënd);
• Kërkesat për sancionet;
• Rregullat e sistemit të pagesave;
• Kërkesa të tjera ligjore dhe rregullatore.

Nëse transferta nuk plotëson kriteret e kërkuara, ajo mund të vonohet, refuzohet ose kthehet.

A mund të refuzohet një transfertë edhe nëse kam fonde të mjaftueshme?

Po. Një transfertë mund të refuzohet edhe nëse keni fonde të mjaftueshme, në rast se të dhënat janë të pasakta, monedha nuk mbështetet, banka e përfituesit nuk e pranon pagesën, ose nëse transferta nuk kalon kontrollet ligjore/rregullatore të Bankës.

A mund ta anuloj një transfertë?

Nëse transferta nuk është përpunuar ende, Banka mund të vlerësojë nëse anulimi është i mundur, në varësi të statusit të pagesës dhe procedurave të brendshme.

Pasi transferta është përpunuar dhe ekzekutuar me sukses, ajo zakonisht nuk mund të anulohet direkt nga klienti. Kjo vlen për transfertat kombëtare, SEPA dhe SWIFT. Për çdo kërkesë anulimi, duhet të kontaktoni Bankën përmes kanaleve të saj zyrtare të komunikimit.

Çfarë ndodh nëse kam vendosur të dhëna të pasakta?

Nëse keni vendosur të dhëna të pasakta, si IBAN-i, emri i përfituesit, SWIFT/BIC, shuma ose monedha, transferta mund të vonohet, refuzohet, kthehet ose të ekzekutohet sipas të dhënave të vendosura në urdhërpagesë. Në këtë rast, duhet të kontaktoni Bankën sa më parë përmes kanaleve zyrtare të komunikimit për të kërkuar një investigim.

Çfarë është investigimi i transfertës?

Investigimi i transfertës është procesi i iniciuar nga Banka për të gjurmuar statusin e një transferte, për shembull kur transferta është vonuar, kthyer, nuk është kredituar te përfituesi, ose kur janë vendosur të dhëna të pasakta. Banka mund të kontaktojë bankën e përfituesit, bankat ndërmjetëse ose sistemin përkatës të pagesave, në varësi të llojit të transfertës.

A është i garantuar kthimi i fondeve?

Jo. Nëse transferta është ekzekutuar me sukses, kthimi i fondeve nuk është gjithmonë i garantuar. Ai mund të varet nga banka e përfituesit, vetë përfituesi, bankat ndërmjetëse, rregullat e sistemit të pagesave dhe ligji në fuqi. Banka mund të ndihmojë me investigimin dhe kërkesën për kthim, por nuk mund të garantojë që fondet do të kthehen në çdo rast.

Si mund të kthehet një transfertë?

Një transfertë mund të kthehet në raste të caktuara, për shembull kur:

• Të dhënat e përfituesit janë të pasakta;
• Llogaria e përfituesit është e mbyllur ose joaktive;
• Banka e përfituesit e refuzon pagesën;
• Pagesa nuk kalon kontrollet rregullatore ose të sigurisë;
• Transferta është dërguar në një monedhë të pambështetur;
• Përfituesi ose banka e përfituesit pranon kthimin e fondeve.

Në rast kthimi, fondet kthehen në llogarinë tuaj pasi Banka të marrë dhe të përpunojë kthimin.

A mund të jetë shuma e kthyer e ndryshme nga shuma që kam dërguar?

Po. Në rast kthimi, shuma e kredituar mund të ndryshojë nga shuma fillestare për shkak të lëvizjeve të kursit të këmbimit, komisioneve të mbajtura nga bankat ndërmjetëse/përfituese, ose tarifave të tjera të aplikuara nga palët e treta. Kjo është veçanërisht e rëndësishme për transfertat në monedhë të huaj dhe transfertat SWIFT.

Çfarë ndodh nëse transferta refuzohet përpara ekzekutimit?

Nëse transferta refuzohet përpara ekzekutimit, fondet nuk dalin nga llogaria juaj ose kthehen në llogarinë tuaj sipas procesit përkatës. Arsyet e zakonshme për refuzim mund të përfshijnë të dhëna të pasakta, gjendje të pamjaftueshme, monedhë të pambështetur, kufizime teknike ose dështim në kalimin e kontrolleve ligjore/rregullatore.

Çfarë ndodh nëse transferta është e paautorizuar?

Nëse dyshoni se një transfertë është kryer pa autorizimin tuaj, duhet të njoftoni menjëherë Bankën përmes kanaleve të saj zyrtare të komunikimit. Banka do të rishikojë rastin sipas procedurave të saj, rregullave të shërbimeve të pagesave dhe legjislacionit në fuqi.

Çfarë informacioni duhet të ofroj për një investigim?

Kur kërkoni një investigim përmes kanaleve zyrtare të komunikimit të Bankës, duhet të jepni sa më shumë informacion të jetë e mundur, si:

• Data e transfertës;
• Shuma dhe monedha;
• Emri i përfituesit;
• IBAN-i ose numri i llogarisë;
• SWIFT/BIC, aty ku aplikohet;  
• Lloji i transfertës;
• Arsyeja e kërkesës për investigim.

Sa më shpejt të raportohet problemi, aq më shpejt mund të nisë procesi i ndjekjes.

Çfarë duhet të kontrolloni përpara se të konfirmoni një transfertë?

Përpara se të konfirmoni një transfertë, kontrolloni me kujdes:

• Llojin e transfertës;
• Emrin e përfituesit;
• IBAN-i ose numrin e llogarisë;
• SWIFT/BIC, aty ku aplikohet;  
• Shtetin dhe bankën e përfituesit;
• Shumën dhe monedhën;
• Përshkrimin/qëllimin e pagesës;
• Kursin e këmbimit, aty ku aplikohet;
• Kohën e pritshme të përpunimit.

Pasi transferta ekzekutohet, korrigjimi ose kthimi mund të mos jetë i mundur. Për çdo pasiguri, duhet të kontaktoni Bankën përmes kanaleve të saj zyrtare të komunikimit.