Llogaria e Kursimit

Çfarë është llogaria e kursimit?

Llogaria e kursimit është një llogari ku ju mund të vendosni fonde për të kursyer, pa një datë maturimi të caktuar. Ajo hapet si një llogari shtesë brenda marrëdhënies suaj ekzistuese me Bankën.

A më duhet një llogari rrjedhëse për të hapur një llogari kursimi?

Po. Për të hapur dhe përdorur një llogari kursimi, duhet të keni një llogari rrjedhëse në Jet Bank në të njëjtën monedhë me llogarinë e kursimit.

Sa kohë qëndron e hapur llogaria e kursimit?

Llogaria e kursimit nuk ka një datë maturimi. Ajo qëndron e hapur derisa ju të kërkoni mbylljen e saj ose në raste të tjera të parashikuara në kushtet e përgjithshme të Bankës.

A mund t'i përdor fondet kurdo që të dua?

Po. Ju mund t'i transferoni fondet nga llogaria juaj e kursimit në llogarinë tuaj rrjedhëse në çdo kohë, sipas funksionaliteteve të disponueshme në aplikacion. Nuk aplikohet asnjë penalitet për transferimin e fondeve.

Si llogaritet interesi?

Interesi llogaritet çdo ditë mbi gjendjen ditore të llogarisë.

Formula është:

Gjendja ditore × norma vjetore e interesit × numri i ditëve / 365, ose / 366 për vitet e brishta.

Kjo do të thotë se përdoren 365 ditë për një vit të rregullt dhe 366 ditë për një vit të brishtë.

Kur fillon të përllogaritet interesi?

Interesi fillon të përllogaritet nga data e valutës, që do të thotë dita kur fondet bëhen të disponueshme në llogarinë tuaj të kursimit.

Çfarë ndodh nëse data e pagesës së interesit qëllon në një ditë jozyrtare pushimi?

Nëse data e pagesës së interesit qëllon në një ditë jozyrtare pushimi (ditë jo-pune), interesi llogaritet deri në ditën e fundit të punës para kësaj date, ndërsa pagesa ose kreditimi i tij përfundon në ditën pasardhëse të punës.

A është norma e interesit e fiksuar?

Jo. Norma e interesit për llogarinë e kursimit është e ndryshueshme (variabël) dhe aplikohet sipas normave të publikuara nga Banka në momentin e llogaritjes së interesit.

Banka mund të ndryshojë normën e interesit sipas kushteve të produktit dhe politikave të saj të brendshme, duke ju njoftuar përmes kanaleve të përcaktuara të komunikimit.

A tatohet interesi?

Po. Interesi i fituar mbi llogarinë e kursimit është subjekt i tatimit në burim sipas legjislacionit tatimor në fuqi. Banka mban tatimin e aplikueshëm prej 15% në momentin që paguhet interesi.

A është llogaria e kursimit e siguruar?

Po. Depozitat në Jet Bank janë të siguruara nga Agjencia e Sigurimit të Depozitave (ASD), sipas formës dhe shumës së përcaktuar nga ligji në fuqi.

Cila është shuma maksimale e mbulimit?

Shuma maksimale e mbulimit është 2,500,000 LEK për çdo depozitues, në çdo bankë, pavarësisht nga numri i depozitave ose monedha e tyre.

Si mund ta mbyll Llogarinë time të Kursimit?

Për të mbyllur Llogarinë tuaj të Kursimit, duhet të kontaktoni Jet Bank përmes aplikacionit ose një kanali tjetër zyrtar komunikimi të Bankës.

Përpara mbylljes së llogarisë, Banka do të verifikojë nëse ka gjendje mbetur, interes të përllogaritur, tatim në burim mbi interesin, transaksione pezull ose çdo detyrim tjetër të lidhur me llogarinë. Llogaria mund të mbyllet vetëm pasi të kenë përfunduar të gjitha veprimet dhe detyrimet përkatëse.