Agjencia e Sigurimit të Depozitave

Sigurimi i Depozitave

Jet Bank Sh.a. është anëtare e Skemës së Sigurimit të Depozitave, e cila administrohet nga Agjencia e Sigurimit të Depozitave (ASD).Ligji Nr. 53/2014 “Për Sigurimin e Depozitave” dhe legjislacioni dytësor në fuqi.

Depozitat tuaja janë të mbrojtura

• 2,500,000 LEK – Limiti maksimal i mbulimit për çdo depozitues, në çdo bankë.
• 100% – Mbulim deri në këtë limit, pa asnjë kosto për klientin.
• Falas – Kontributet paguhen nga bankat, jo nga klientët.

A janë të mbrojtura depozitat e mia në Jet Bank Sh.a.?

Po. Jet Bank Sh.a. është anëtare e Skemës së Sigurimit të Depozitave në Republikën e Shqipërisë, e cila administrohet nga Agjencia e Sigurimit të Depozitave (ASD). Kjo skemë garanton dëmshpërblimin e depozituesve në rast se një bankë nuk është në gjendje të përmbushë detyrimet e saj ndaj klientëve, në përputhje me legjislacionin në fuqi.

Cila është shuma e sigurimit të depozitës?

Depozitat janë të siguruara deri në shumën 2,500,000 LEK për çdo depozitues, në çdo bankë.Ky limit përfshin shumën e depozituar dhe interesat e përllogaritura deri në datën e ndërhyrjes. Nëse shuma totale e kalon këtë limit, pjesa mbi 2,500,000 LEK nuk mbulohet nga skema.

A aplikohet limiti për çdo llogari apo për çdo klient?

Limiti aplikohet për çdo depozitues dhe për çdo bankë, pavarësisht nga numri i llogarive, produkteve apo monedhave.Nëse keni disa llogari në Jet Bank Sh.a.  llogari rrjedhëse, kursimi apo depozita me afat, të gjitha ato bashkohen dhe sigurohen deri në limitin maksimal prej 2,500,000 LEK.

Çfarë ndodh nëse llogaria është e përbashkët?

Limiti i sigurimit aplikohet më vete për çdo depozitues. Pjesa takuese e secilit depozitues konsiderohet në mënyrë individuale për efekt sigurimi.

Cilat depozita mbulohen?

• Llogaritë rrjedhëse
• Llogaritë e kursimit
• Depozitat me afat
• Depozitat në Lekë dhe në monedhë të huaj
• Individët, tregtarët e vetëm dhe shoqëritë tregtare, rezidentë dhe jorezidentë

Cilat depozita nuk mbulohen?

• Pjesa e depozitave mbi limitin prej 2,500,000 LEK
• Depozitat e institucioneve financiare
• Depozitat e drejtuesve të bankës dhe anëtarëve të familjes së tyre
• Depozitat e aksionarëve me pjesëmarrje të rëndësishme
• Depozita të tjera të përjashtuara sipas legjislacionit në fuqi

A mbulohen depozitat në monedhë të huaj?

Po. Depozitat në monedhë të huaj mbulohen nga skema. Në rast dëmshpërblimi, shuma konvertohet në Lekë sipas kursit të këmbimit të datës së ndërhyrjes nga autoriteti kompetent.

A duhet të paguaj për sigurimin e depozitës?

Jo. Klientët nuk paguajnë asgjë.Kontributet paguhen vetëm nga bankat anëtare të skemës.

Çfarë ndodh nëse banka nuk mund të përmbushë detyrimet e saj?

Nëse banka vendoset në likujdim nga Banka e Shqipërisë, ASD organizon procesin e dëmshpërblimit të depozituesve deri në limitin e sigurimit përmes një banke agjente të përcaktuar.

Si kryhet dëmshpërblimi?

1. Depozituesit informohen mbi procesin e dëmshpërblimit.
2. Ata identifikohen me një dokument identifikimi.
3. Ata tërheqin shumën e siguruar përmes bankës agjente të përcaktuar.

A do të marr informacion kur të hap një llogari?

Po. Gjatë hapjes së llogarisë, Jet Bank Sh.a. ju vendos në dispozicion formularin standard të informacionit mbi sigurimin e depozitës, në përputhje me kërkesat ligjore dhe rregullatore.

Ku mund të marr më shumë informacion?

Vizitoni faqen zyrtare të Agjencisë së Sigurimit të Depozitave: asd.gov.al

Baza Ligjore

Sigurimi i depozitave rregullohet nga Ligji Nr. 53/2014 “Për Sigurimin e Depozitave” dhe legjislacioni dytësor në fuqi. Informacioni në këtë faqe ofrohet vetëm për qëllime informimi. Për detaje të plota, aplikohen dispozitat e legjislacionit në fuqi dhe aktet rregullatore të Bankës së Shqipërisë dhe ASD-së.

‍