Normat e interesit janë vjetore. Për mbylljen e depozitës para maturimit, humbet i gjithë interesi, pavarësisht afatit ose mënyrës së pagesës. Trajtimi i interesit të paguar paraprakisht bëhet sipas kushteve të kontratës së depozitës.

Çfarë afatesh mund të zgjedh për depozitën?

Mund të zgjidhni një afat prej 1, 3, 6, 12, 24 ose 36 muajsh. Norma e interesit paraqitet si normë vjetore.

A është fikse norma e interesit?

Norma e interesit përcaktohet kur hapni depozitën dhe shënohet në kontratën tuaj. Ajo mbetet fikse deri në maturim, sipas kushteve të kontratës.

A ka një shumë minimale ose maksimale për hapjen e depozitës?

Jo. Për depozitat me afat të biznesit nuk është përcaktuar një shumë minimale ose maksimale për hapjen e tyre.

Kur paguhet interesi?

Për depozitën 1-mujore, interesi paguhet në maturim. Për afatet 3, 6 dhe 12 muaj, mund të zgjidhni pagesë mujore ose në maturim. Për afatet 24 dhe 36 muaj, mund të zgjidhni pagesë mujore, vjetore ose në maturim.

A ndryshon norma e interesit sipas mënyrës së pagesës së interesit?

Jo. Për të njëjtin afat depozite, norma vjetore e interesit është e njëjtë për të gjitha mënyrat e disponueshme të pagesës.

A mund ta mbyll depozitën para maturimit?

Po. Mund të kërkoni mbylljen e parakohshme të depozitës sipas procedurave të bankës dhe kushteve të kontratës suaj.

Çfarë ndodh me interesin nëse e mbyll depozitën para afatit?

Nëse e mbyllni depozitën para maturimit, humbisni të gjithë interesin, pavarësisht afatit të saj. Nëse interesi ju është paguar më parë, ai ju mbahet nga shuma e depozituar.

A tatohet interesi i depozitës?

Po. Tatimi mbi interesin zbatohet sipas legjislacionit në fuqi. Banka mban tatimin e zbatueshëm përpara se të kreditojë interesin në llogarinë e biznesit.

A janë të siguruara depozitat e biznesit?

Depozitat e sigurueshme të bizneseve mbulohen nga Agjencia e Sigurimit të Depozitave, sipas kufirit maksimal dhe përjashtimeve të përcaktuara me ligj. Kufiri zbatohet për çdo depozitues në çdo bankë, duke marrë së bashku depozitat e sigurueshme të mbajtura në atë bankë, pavarësisht numrit ose monedhës së tyre.