Afati i fundit ditor

1. Transaksionet deri në 10,000,000 ALL (AECH) të iniciuara pas orës 13:45 procesohen ditën e ardhshme të punës.
2. Transaksionet mbi 10,000,000 ALL (AIPS ALL) të iniciuara pas orës 15:00 procesohen ditën e ardhshme të punës.
3. Transaksionet vendase në EUR (AIPS) të iniciuara pas orës 15:15 procesohen ditën e ardhshme të punës.
4. Transfertat SEPA Instant procesohen brenda ≤10 sekondash, 24 orë në ditë, çdo ditë të vitit.
5. Transfertat SEPA Standard të iniciuara përpara orës 13:00 procesohen brenda së njëjtës ditë. Transfertat e iniciuara pas këtij orari procesohen ditën e ardhshme të punës.
6. Transfertat SWIFT në EUR të iniciuara përpara orës 16:00 procesohen brenda së njëjtës ditë pune. Transfertat e iniciuara pas këtij orari procesohen ditën e ardhshme të punës.

Përdorimi i Arsyeshëm

Banka rezervon të drejtën të aplikojë tarifimin standard ose të kufizojë përfitimin në rastet kur konstatohet përdorim që tejkalon limitet operacionale të përcaktuara në Listën e Tarifave ose Kushtet e Punës, përfshirë:

1. Volum ose frekuencë transaksionesh që tejkalon kufijtë e përcaktuar për përdorim të zakonshëm;
2. Përdorim për përpunim pagesash për palë të treta ose aktivitete që natyra e tyre i ngjan shërbimeve të transferimit të parave;
3. Struktura transaksionesh artificiale apo qarkulluese pa interes të qartë ekonomik.

Për çdo aplikim tarifash si pasojë e tejkalimit të këtyre limiteve, Klienti do të njoftohet paraprakisht në përputhje me legjislacionin në fuqi.